Shadow Movie Review

Shadow Movie Review 

‘షాడో ’ సినిమా రివ్యూ
 

ఫ్యామిలీ చిత్రాల హీరోగా గుర్తింపు తెచ్చుకున్న విక్టరీ వెంకటేష్ ఈ మధ్య యంగ్ హీరోలతో కలిసి మల్టీస్టారర్ చిత్రాల్లో, అదే టైంలో సింగిల్ గా ఈ జనరేషన్ కి తగ్గట్లుగా భారీ యాక్షన్ చిత్రాల్లో కూడా నటిస్తున్నాడు. ఇప్పుడు అదే తరహాలో వచ్చిందే ఈ షాడో సినిమా. వెంకీ సినిమా వస్తుందంటే ఫ్యామిలీ ప్రేక్షకులు కడుపునిండా నవ్వుకోవచ్చు అని అనుకుంటారు. ఇక నిర్మాతలు అయితే.... పెట్టిన డబ్బుకు ఢోకా లేదని బరోసాగా ఉంటారు. మరి వెంకటేష్ కెరియర్లోనే భారీ బడ్జెట్ తో రూపొందిన షాడో సినిమా ప్రేక్షకులను ఏ మాత్రం అలరించిందో ఓ సారి చూద్దాం.

• చిత్రం
  షాడో
• బ్యానర్
  యు స్క్వేర్ మూవీస్ లిమిటెడ్
• దర్శకుడు
  మెహర్ రమేష్
• నిర్మాత
  పరుచూరి శివరామ్ ప్రసాద్
• సంగీతం
  తమన్
• సినిమా రేటింగ్
   2.25/5
• ఛాయాగ్రహణం
  శ్యామ్ కె. నాయుడు
• ఎడిటర్
  మార్తాండ్ కె. వెంకటేష్
• విడుదల తేది
  ఏప్రిల్ 26, 2013
• నటినటులు
  వెంకటేష్, తాప్పీ, శ్రీకాంత్, మధురిమ, ఎమ్మెస్ నారాయణ, ఆదిత్య పచోలి, షాయాజీ షిండే, నాగబాబు తదితరులు

షాడో

వెకంటేష్ తండ్రి (రఘురాం ) నలుగురికి మంచి చేసే మనస్తత్వం. అతను నానా భాయ్ ( ఆదిత్య పచోలి ) దగ్గర పనిచేస్తుంటాడు. అయితే ఆ గ్యాంగ్ లోని రహస్యాలను బయటకి చేరవేస్తున్నాడని తెలుసుకున్న డాన్ రఘురాంని చంపేస్తాడు. ఈ సంఘటనను కళ్ళారా చూసిన రాజారాం (షాడో) వారి పై ఎలాగైనా పగ తీర్చుకోవాలనే కసితో పెరుగుతాడు. అలా పెరిగిన షాడో నానా భాయ్ గ్యాంగ్ లోని వాళ్లని చంపుకుంటూ వస్తాడు. ఓసారి నానా భాయ్ పేళుళ్లకు ప్లాన్ చేస్తాడు ? ఈ పేళుళ్ళను ఆపడానికి పోలీస్ ఆఫీసర్ ప్రతాప్ (శ్రీకాంత్ ) ప్రయత్నిస్తాడు. ఇంతలో నానా గ్యాంగ్ ని అంతం చేస్తున్న షాడో ఎవరనే సందేహం అతనికి వచ్చి ఆరా తీస్తాడు. చివరకు షాడో తన తండ్రిని చంపిన వాళ్ల పై ఎలా పగతీర్చుకుంటాడనేది తెరపై చూడాల్సిందే.

ఫ్యామిలీ చిత్రాల హీరోగా గుర్తింపు తెచ్చుకున్న విక్టరీ వెంకటేష్ ఈ మధ్య యంగ్ హీరోలతో కలిసి మల్టీస్టారర్ చిత్రాల్లో, అదే టైంలో సింగిల్ గా ఈ జనరేషన్ కి తగ్గట్లుగా భారీ యాక్షన్ చిత్రాల్లో కూడా నటిస్తున్నాడు. ఇప్పుడు అదే తరహాలో వచ్చిందే ఈ షాడో సినిమా. వెంకీ సినిమా వస్తుందంటే ఫ్యామిలీ ప్రేక్షకులు కడుపునిండా నవ్వుకోవచ్చు అని అనుకుంటారు. ఇక నిర్మాతలు అయితే.... పెట్టిన డబ్బుకు ఢోకా లేదని బరోసాగా ఉంటారు. మరి వెంకటేష్ కెరియర్లోనే భారీ బడ్జెట్ తో రూపొందిన షాడో సినిమా ప్రేక్షకులను ఏ మాత్రం అలరించిందో ఓ సారి చూద్దాం.

గతంలో పలు డిజాస్టర్ సినిమాలు తీసి సెన్సేషనల్ డిజాస్టర్ డైరెక్టర్ గా పేరు తెచ్చుకున్న మెహర్ రమేష్ ఈ సినిమాను కూడా అదే రేంజ్ లో డిజాస్టర్ చేయడానికి ప్రయత్నించాడు. ఇందులో ఆయనకు తగ్గట్లు ప్రాస డైలాగులు పెట్టుకున్నాడు. హీరో ఇంట్రడక్షన్ టైంలో ‘నేనువరన్నది మిస్టరీ... నేను క్రియేట్ చేసేది హిస్టరీ.... మీరు చూడబోయేది నా విక్టరీ... అనే డైలాగు పెట్టాడు. ఈ డైలాగు లాగానే ఆయన ‘నేను తీయబోయే కథ మిస్టరీ.... నేను క్రియేట్ చేయబోయేది డిజాస్టర్ .... మీరు భరించాలి నా టార్చర్ ’ అన్న విధంగా తీశాడు. ఓ సాధాసీదా కథకు భారీ హంగులు చేకూర్చి ప్రేక్షకుల్లో హైప్ క్రియేట్ చేసి వారి మీదకు వదిలాడు. ఇది చాలదు అన్నట్లు కామెమీ సీన్స్ ని బలవంతంగా పెట్టి మరింత విరక్తి కలిగించాడు. ఫలితంగా థియేటర్ లో ప్రేక్షకుడు నవ్వుకోవడం బదులు... తలలు బాదుకునే పరిస్థితి. ఇక కథలో హీరో విలన్లను ఎంత సింపుల్ గా చంపేస్తాడంటే చిన్నపిల్లాడు కొట్టకువెళ్లి చాక్లెట్ కొనుక్కొని గుటుక్కున నోట్లోవేసుకున్నంతగా. మొత్తంగా చూస్తే ఈ సినిమాలో చెప్పుకోదగ్గ అంశాలు ఏమీ లేవు. ఏదో సినిమా మొదలు పెట్టాం కదా అని పూర్తి చేయాలనే భావనే కాకుండా, డబ్బు నీళ్లలా ఖర్చు పెట్టే నిర్మాత ఉన్నాడు కదా అని హంగులు జోడించాడు తప్ప వాటికి తగ్గ కథను తయారు చేసుకోలేదు.

ప్రతి సినిమాలో ఎంతో ఎనర్జిటిక్ గా, ఎంతో హుందాగా కనిపించే వెంకటేష్ ఈ సినిమాలో ఎంతో నీరసంగా కనిపించాడు. కొత్త గెటప్స్ తో ప్రేక్షకులను అదరగొడదామని చూశాడు కానీ అవి ఆయనకు సూట్ కాలేదు. ఈ మధ్య కాలంలో వెంకటేస్ ఇంత చెత్తగా, పాత్రలో ఇన్వాల్వ్ కాకుండా నటించిన పాత్ర ఏదైనా ఉంటే అది ఇదే అని ఖచ్చితంగా చెప్పవచ్చు. గత సినిమాలతో పోలిస్తే.... వెంకటేష్ ఇలా చెత్తగా కూడా నటిస్తాడా అనే ఫీలింగ్ కలుగుతుంది. ఎదో నటించాలని నటించేసినట్లు అనిపిస్తుంది. ఇక హీరోయిన్ తాప్పీ అందంగా కనిపించింది మినహా ఆమె చెయ్యడానికి సినిమాలో ఏమీ లేదు. ముఖ్యంగా ప్రేక్షకులకు ఆమె కస్ట్యూమ్స్ విసుగు తెప్పిస్తాయి. అవి అందం కోసం వేశారా ? ఉన్న అందాన్ని చెడగొట్టడానికి వేశారా అన్నట్లు ఉన్నాయి. శ్రీకాంత్ ఇందులో గెస్ట్ రోల్ పోషించాడు. ఇందులో ఆయన పోలీస్ పాత్రలో నటించినా, చెప్పిన పని చేసుకుంటూ పోయినట్లు ఉంటుంది. కమేడియన్ ఎమ్మెస్ నారాయణ  ఎంతగానో నవ్వించాలని చూశాడు. కానీ ప్రేక్షకులు వారికి వారు గిలిగింతలు పెట్టుకున్నా నవ్వురాదు ఈ సీన్స్ చూస్తే. విలన్ ఆదిత్య పచోలి ని డాన్ గా చూపించాడు. అతను అంతంత మాత్రమే. శ్రీకాంత్ భార్యగా నటించిన మధురిమ చేసిందేం లేదు. అప్పుడప్పుడు ఓ స్మైల్ ఇచ్చి వెళ్ళిపోయింది. ఇక మిగతావారి క్యారెక్టర్లకు చెప్పుకునే అంత ప్రాముఖ్యత లేదు.

అనుభవం వస్తుంటే పనిలో నైపుణ్యత పెరుగుతుందని అంటారు. కానీ ఈ సినిమాకు పని చేసిన సాంకేతిక విభాగం వారి పని చూస్తే.... వీరు కొత్తగా చేశారా అన్నట్లు ఉంటుంది. దర్శకుడు మెహర్ రమేష్ కి తోడు గొప్ప కథా రచయితలుగా పేరున్న గోపీమోహన్, కోన వెంకట్ స్క్రిప్ట్ లో పస లేకుండా పోయింది. ఇక థమన్ అందించిన సంగీతం ఓక్క పాటకు తప్ప మిగిలిన అన్ని పాటలకు తన పాత ట్యూన్స్ కి తెరపైకి తెచ్చాడా అన్నట్లు ఉన్నాయి. సినిమాటో గ్రఫీ ఫర్వాలేదని పిస్తుంది. ఎడిటింగ్ కి ఏ ఒక్క సీన్ కూడా మిగలవేమో. ప్రొడక్షన్ అండ్ క్వాలిటీ చాలా రిచ్ గా ఉన్నాయి.

 

‘వడ్డించే వాడు మనవాడు అయితే ఎక్కడ కూర్చున్నా ఒక్కటే ’ అనే సామెత మాదిరి నిర్మాత ఖర్చు పెట్టేవాడు ఉండగా... కథ.... కథనం... లేకుండా భారీ సినిమాలు తీస్తే పోలా అని అనుకునే దర్శకులకు అవకాశం ఇస్తే...ఇలాంటి సినిమాలే వస్తాయి. ఇలాంటి దర్శకులు మరో నలుగురు ఉంటే పరిశ్రమ దివాలా తీయడం ఖాయం. 

ఎన్టీఆర్ కి తన శక్తేమిటో చూపించిన మెహర్ వెంకటేష్ కి కలలో కూడా (షాడో) నీడలా వెంటాడే సినిమా తీశాడు.

 

 

Gunde Jaari Gallanthayyinde Movie Review

• చిత్రం
  గుండెజారి గల్లంతయిందే
• బ్యానర్
  శ్రేష్ఠ్‌ మూవీస్‌
• దర్శకుడు
  విజయ్‌కుమార్‌ కొండా
• నిర్మాత
  నిఖితారెడ్డి
• సంగీతం
  అనూప్‌ రూబెన్స్‌
• సినిమా రేటింగ్
   3.25/5
• ఛాయాగ్రహణం
  ఆండ్రూ బాబు,
• ఎడిటర్
  హర్షవర్ధన్‌
• విడుదల తేది
  ఏప్రిల్ 19, 2013
• నటినటులు
  నితిన్‌, నిత్య మీనన్‌, ఇషా తల్వార్‌, గుత్తా జ్వాల, అలీ, తాగుబోతు రమేష్‌, తదితరులు

 

 

గుండెజారి గల్లంతయిందే

సాప్ట్ వేర్ ఎంప్లాయి అయిన కార్తీక్‌ (నితిన్‌) తొలిచూపులోనే (ఇషా తల్వార్ ) శ్రుతి ప్రేమలో పడతాడు. ఎలాగైనా ఆ అమ్మాయితో మాట కలపాలని తన ఫోన్ నెంబర్ తెలుసుకుంటాడు. కానీ నెంబర్ తప్పు రాసుకోవడంతో శ్రుతికి బదులు వేరే అమ్మాయి శ్రావణి (నిత్యామీనన్ ) కి వెళుతుంది. కార్తీక్ తను చూసిన అమ్మాయే అనుకొని నిత్యామీనన్ తో మాటలు కలుపుతాడు. ఆమెతో పీకల్లోతు ప్రేమలో మునిగిపోతాడు. కానీ అసలు నిజం తురువాత తెలియడంతో కార్తీక్ షాక్ తింటాడు. శ్రుతి వేరు.. తను ఫోన్ లో ప్రేమించే అమ్మాయి వేరు అని అర్దం అవుతుంది. అప్పుడు శ్రావణి ఏ నిర్ణయం తీసుకుంది. కార్తీక్‌ ఎవరితో కలిసి జీవితం పంచుకొన్నాడు? అనే విషయాల్ని తెరపైనే చూడాలి. గుండెజారి గల్లంతయిందే

తన కెరియర్ మొదట్లో ప్రేమ కథా చిత్రాలు చేసిన నితిన్ మాస్ హీరోగా కూడా ప్రూవ్ చేసుకోవడానికి మాస్ సినిమాలు చేసి పరాజయాల పాలైన హీరో నితిన్ చాలా రోజుల తరువాత ‘ఇష్క్ ’ ప్రేమకధా చిత్రం చేసి మంచి విజయం సాధించిన విషయం తెలిసిందే. ఆ సినిమా ఇచ్చిన విజయంతో మళ్లీ అలాంటి కథనే ఎంచుకుకొని ‘గుండెజారి గల్లంతయిందే ’ సినిమాతో ప్రేక్షకుల ముందుకు వచ్చాడు. మరి ఈ సినిమా ప్రేక్షకుల గుండెల్ని ఏం చేసిందో ఓ సారి చూద్దాం.

ఈ మధ్య కాలంలో వచ్చే సినిమాలు వస్తే మాస్ గానో, వస్తే క్లాస్ గానో వస్తున్నాయి. కానీ ఈ రెండు సినిమాలు ప్రేక్షకులకు రొటీన్ అయిపోయాయి. అందుకే కొత్తగా వచ్చే దర్శకులు ప్రేక్షకుల నాడి, పల్ప్ ని కనిపెట్టి సినిమాలు తీస్తున్నారు. అదేకోవలోకి వస్తుంది ఈ చిత్రం. కొత్తదనం కోరుకుంటున్న ప్రేక్షకులకు ఈ చిత్రం ఖచ్చితంగా నచ్చుతుంది. చిన్న పాయింట్ తీసుకొని దానికి ప్రేక్షకులకు కావాల్సింత సరుకు జోడించి తెరకెక్కించారు. ఈ సినిమాలో ప్రేక్షకులకు కావాల్సిన కామిడీ కన్నా ఎక్కువ ఉందనిపిస్తుంది. కథ నడిచే సమయంలో కామెడీని జొప్పించారు. ప్రథమార్థం సినిమాను దర్శకులు ఓ రేంజ్ లో తీశాడు. ఇంటర్వెల్ ముందు సినిమా హిట్ అనే నిర్ణయానికి వస్తాం. అదే ఊపును సెకండాఫ్ లో కొనసాగిస్తే బాగుండేది. ఫస్టాఫ్ గడిచినంత ఉల్లాసంగా, సెకండాప్ గడవదనే చెప్పాలి.

పూర్తిగా పవన్ కళ్యాణ్ వీరాభినానిని అని చెప్పుకుంటున్న నితిన్ అందుకు తగ్గట్లే పవన్ కళ్యాణ్ ని, తన ఫ్యాన్స్ ని కూడా ఉత్సాహ పరిచాడు. టైం దొరికినప్పుడల్లా తన అభిమానాన్ని విచ్చల విడిగా చూపించాడు. కథ ఎలా ముగుస్తుందో ఇంటర్వెల్ అప్పుడే ఓ అంచనా వేస్తాం. కానీ దానిని ఎలా ముగింపుకు తీసుకువెళతాడనేది కాస్తంత కఫ్యూజ్ గా ఉంటుంది. చివరగా ప్రేక్షకులు కన్విన్స్ అయ్యేవిధంగా ముగిస్తాడు. స్పెషల్ ఎట్రాక్షన్ అని ఊదరకొట్టిన గుత్తా జ్వాలా సాంగ్ మాత్రం పెద్దగా ఇంపాక్ట్ ఇవ్వలేదు.

ఈ సినిమాలో హీరో నితిన్ నటన చాలా బాగుంది. ఇష్క్ చిత్రంలో కంటే ఇంకాస్త మెరుగ్గా చేశాడు. నితిన్ సినిమా సినిమాకి గ్లామర్ గా కనబడుతున్నాడు. మాస్ చిత్రాల కన్నా క్లాస్ చిత్రాలైతేనే బాగా సూటు అవుతాయి అనుకొన్న నితిన్ క్లాస్ హీరోగా బాగా యాక్టింగ్ చేశాడు. ఇక నితిన్ ప్రక్కన రెండో సారి నటించిన నిత్యా మీనన్ నటన ఈ సినిమాలో అద్బుతం. ఇప్పటికి నటించినవి కొన్ని సినిమాలే అయినా నటనా పరంగా తానేంటో నిరూపించుకున్న విషయం తెలిసిందే. ముఖ్యంగా ఈ సినిమాలో క్యారెక్టర్ నిత్యామీనన్ కే సాధ్యం అనేట్లుగా చేసింది. ఈ సినిమాతో ఈమెకు స్టార్ ఇమేజ్ రావడం ఖాయం. ఇందులో సెకండ్ హీరోయిన్ గా నటించిన ఇషా తల్వార్ అందం పరంగా ఓకే అనిపించింది కానీ, నటన పరంగా ఆమెకు కనీస మార్కులు కూడా వేయలేం. ఈమె చేసిన కొన్ని సన్నివేశాలు తేలిపోయాయి. కమేడియన్ ఆలీ, తాగుబోతు రమేష్ టైమింగ్ కామెడీని పండించారు. మిగతా నటులు వారి వారి పాత్రలకు న్యాయం చేశారు. ఇక ఈ సినిమాకు స్పెషల్ అట్రాక్షన్ గా చెప్పుకుంటున్న ఐటెం భామ గుత్తాజ్వాలా చేసిన డాన్స్ చూస్తే ప్రేక్షకులు నవ్విపోవడం ఖాయం. తొలిసారే ఐటెం బామగా ఎంట్రీ ఇచ్చిన ఈమె బాడీలో రిధమ్ లేదు. ఐటెం సాంగు ప్రేక్షకులకు ఊపునివ్వాలి.. కానీ గుత్తా ఆ ఊపు తీసుకొని రాలేకపోయింది.

యూత్ కి సరిపోయే లవ్ స్టోరీని ఎంచుకున్న దర్శకుడు దానికి తగ్గట్లే సినిమాటో గ్రాఫర్ ని ఎన్నకున్నాడు. లవ్ స్టోరీకి కావాల్సిన విజువల్స్ బాగా చూపించాడు. సాంగ్ ని బాగా చిత్రీకరించాడు. ఇక అనూప్ రూబెన్స్ అందించిన సంగీతం ఈ సినిమాకు హైలెట్. ఈయన రీమిక్స్ చేసిన ‘తొలి ప్రేమ ’ పాట అదే తీసి పెట్టారా లేక, రీమిక్స్ చేశారా అనే తేడా కనిపించకుండా చేశారు. బ్యాక్ గ్రౌండ్ స్కోర్ కూడా బాగా వచ్చింది. నిర్మాతలు కూడా సినిమా క్యాలిటీ విషయంలో ఏ మాత్రం రాజీ పడలేదని అనిపిస్తుంది. చాలా క్వాలిటీ అవుట్ పుట్ ఇచ్చారు. ఇక కొత్తగా దర్శకత్వం చేపట్టిన విజయ్ కుమార్ బెరుకు లేకుండా ఎంతో అనుభవం ఉన్న దర్శకుడిలాగా చిన్న కాన్సెప్ట్ ని చాలా బాగా తెరకెక్కించాడు. విజయ్ కుమార్ కి అండగా హర్షవర్థన్ చేసిన రాసిన సంభాషణలతో దర్శకుడు మరింత రక్తి కట్టించాడు. యూత్ ని టార్గెట్ చేసి ఎంచుకున్న కథను వారికి తగ్గట్లు తీసి తొలి ప్రయత్నంలోనే సక్సెస్ అయ్యాడు. ఈ సినిమాతో ఈ దర్శకుడి తరువాతి చిత్రం పై మంచి అంచనాలే ఉంటాయి. భవిష్యత్తులో ఎలాంటి చిత్రాలు తీస్తాడో చూడాలి.

 

యువత ‘గుండెల్ని గల్లంతు ’ చేసే చిత్రం.

NTR Badshah Movie Review

సినిమా : బాద్‌షా (2013)

నటీనటులు : జూ.ఎన్టీఆర్, కాజల్ అగర్వాల్ , సిద్ధార్థ్, నవదీప్ , బ్రహ్మానందం, ఎమ్మెస్ నారాయణ తదితరులు.

డైరెక్టర్ : శ్రీనువైట్ల

ప్రొడ్యూసర్ : బండ్లగణేశ్ బాబు

సంగీతం : ఎస్ . తమన్

రేటింగ్  : 3.5

విడుదల తేదీ : ఏప్రిల్ 5, 2013

జూనియర్ ఎన్టీఆర్ గత రెండు చిత్రాలు అయిన ఊసరవెల్లి, దమ్ము చిత్రాలు భారీ అంచనాల మధ్య విడుదల అయ్యి, బాక్సాఫీసు వద్ద అభిమానుల్ని నిరాశ పరిచిన విషయం తెలిసిందే. దమ్ము సినిమా తురవాత భారీ అంచనాలతో   విడుదల అయిన బాద్ షా చిత్రం అభిమానులను  అలరించిందో  లేదో చూద్దాం. ఇక ఎన్టీఆర్ కూడా  హిట్ కోసం ఆకలి మీదున్న పులి లాగా ఎదురు చూస్తున్నాడు.. ఇప్పటికే పలు సూపర్ హిట్ చిత్రాలు అందించిన శీనువైట్ల కూడా ఇంకా కసితో, జూనియర్ కి బ్లాక్ బ్లస్టర్ ఇవ్వాలనే ఉద్దేశ్యంతో తీశాడు. ఎన్టీఆర్‌ కెరీర్‌లోనే భారీ బడ్జెట్ చిత్రంగా బాద్‌షా తెరకెక్కించిన సంగతి తెలిసిందే. గబ్బర్‌సింగ్ తర్వాత బండ్ల గణేష్ నిర్మించిన ఈ చిత్రంపై అంచనాలు అధికంగా ఉన్నాయి. ఇప్పటికే ఆన్ లైన్ లో ఈ సినిమా టిక్కెట్లు నాలుగు రోజుల వరకూ అమ్ముడైపోయాయి. వేసవిలో పలు భారీ చిత్రాల రిలీజ్ హంగామా బాద్‌షాతోనే మొదలవడం విశేషం. మరి ఈ సినిమా ఎలా ఉందో ఓ సారి రివ్యూ చూద్దాం.
                
కథ:

బాద్ షా (ఎన్టీఆర్) రంజన్ (ముఖేష్ రుషి ) కుమారుడు. ఇతను సాధుభాయ్ (కిల్లీ దోర్జీ ) ఇంటర్నేషనల్ మాఫిల్ డాన్ దగ్గర పనిచేస్తుంటాడు. ఎన్టీఆర్ తండ్రి సాధుభాయ్ కి అంత్యంత నమ్మకస్తుడు. సాధు బాయ్ క్రైం ప్రపంచంలో బాద్ షా యంగ్ అండ్ డైనమిక్ పర్సన్ గా దూసుకుపోతుంటాడు. ఎన్టీఆర్ తండ్రి రంజన్ సాధు బాయికి అంత్యంత లాభాలు తెచ్చే కాసినోని చూసుకుంటూ ఉంటాడు. ఈ నేపథ్యంలో బాద్ షాకి, సాధు భాయికి మధ్య గొడవ జరుగుతుంది దీంతో బాద్ షా ఫ్యామిలీని, అతని సామ్రాజ్యాన్ని కూల్చేయాలని భావించి సాధుభాయి శత్రువులైన రాబర్ట్, విక్టర్ (ఆశీష్ విద్యార్థి, ప్రదీప్ రావత్ తో చేతులు కలుపుతాడు. ఇందులో భాగంగానే మాఫియా డాన్ అయిన సాధు భాయ్ ప్రధాన నగరాల్లో బాంబ్ బ్లాస్ట్ లకు ప్లాన్ చేస్తాడు. సాధు భాయ్ ప్లాన్స్ ని బాద్ షా చెడగొట్టాలనుకొని పోలీసు ఆఫీసర్ అయిన జై కృష్ణ సింహా(నాజర్) జానకి (కాజల్) తండ్రి సహాయం తీసుకుంటాడు. అదే ఫ్యామిలీకి చెందిన పద్మనాభ సింహా(బ్రహ్మానందం) సహాయంతో బాద్ షా గతం తెలుసుకొని సాధుభాయ్ ని అంతం చేయడానికి ప్లాన్స్ వేస్తాడు. ఆ ప్లాన్స్ లో సక్సెస్ అవుతాడా ? అసలు బాద్ షా గా ఎలా మారాడు ? కాజల్ కి బాద్ షా కి లింకు ఏమిటి అన్నది తెర పై చూడాల్సిందే.

కళా కారుళ పనితీరు :
ఈ సినిమాలో ముఖ్యంగా చెప్పుకోవాల్సింది ఎన్టీఆర్ నటన. బాద్ షా గా ఎన్.టి.ఆర్ అద్భుతమైన నటనని కనబరిచాడు. బాద్ షా అనే పదానికి ఎన్టీఆర్ న్యాయం చేశాడని చెప్పవచ్చు. బాద్ షా అనగానే... దూకుడుగా వ్యవహరించే స్వభావం, స్టైల్, అలాగే కొంచెం క్రూరమైన మనస్తత్వం ఉండాలి. ఇవన్నింటిని ఎన్టీఆర్ బాగా పండించాడు.   ముఖ్యంగా ఎన్టీఆర్ పంచ్ డైలాగులు బాగా పేలాయి. ఈ సినిమాలో తన తాత అయిన పెద్ద ఎన్టీఆర్ జస్టిస్ చౌదరి గెటప్పులో కనిపించి అదరగొట్టాడు. డాన్సుల పరంగా ఎన్టీఆర్ గురించి వేరే చెప్పాల్సిన పనిలేదు. ‘ సైరో సైరో ’, ‘ రంగోలి రంగోలి ’ పాటల్లో ఎన్.టి.ఆర్ స్టెప్పులు ఫెంటాస్టిక్ గా ఉన్నాయి. ఎన్టీఆర్ ఇందులో అన్ని షేడ్స్ ఉన్న పాత్రలు చేశాడని చెప్పువచ్చు. ఫ్యాన్స్ కి ఈ సినిమా ఓ పండగా లాంటింది. ఇక కథానాయికగా నటించిన కాజల్ తన పాత్ర మేరకు బాగానే చేసింది.

ఇందులో నటించిన హాస్య బ్రహ్మ బ్రహ్మానందం కామెడి హైలెట్. పద్మనాభ సింహా పాత్రలో బ్రహ్మీ చేసిన కామెడీకి ప్రేక్షకులు కడుపుబ్బా నవ్వుకుంటారు. ప్రతి సినిమాలో బ్రహ్మానందాన్ని కేవలం కామెడీ కోసం వాడుకుంటారు. కానీ శీనువైట్ల ఇతన్ని కామెడియన్ గానే కాకుండా స్టోరీలో కూడా ఇన్వాల్వ్ చేశాడు. ప్రముఖ నటుడు నాజర్ పోలీసు ఆఫీసర్ పాత్రలో బాగా చేశాడు. ఎన్.టి.ఆర్ – నాజర్ – బ్రహ్మానందం మధ్య వచ్చే కామెడీ సీన్స్ బాగా పండాయి. మరో కమేడియన్ అయిన ఎం.ఎస్ నారాయణ డైరెక్టర్ గెటప్పులో కనిపించి అందర్ని బాగా నవ్వించాడు. ఇతని క్యారెక్టర్ దర్శకుడు రామ్ గోపాల్ వర్మను పోలీ ఉంటుంది. ఎం.ఎస్. నారాయణ, వెన్నెల కిషోర్ కామెడీ కూడా బాగా నవ్వుల్ని తెప్పిస్తుంది. ఈ సినిమాకు కీలక సన్నివేశాల్లో మహేష్ బాబు చెప్పే వాయిస్ ఓవర్ బాగా కుదిరింది. ఈ సినిమాలో కీలక పాత్ర పోషించిన సిద్దార్థ పాత్ర కథను మలుపు తిప్పే విధంగా ఉంది. నవదీప్ కూడా విలన్ గా బాగా నటించాడు.

సాంకేతిక విభాగం :

ఈ సినిమాలో హైలెట్ ఏంటంటే...సినిమాటోగ్రఫీ. దీనికి నలుగురు సినిమాటో గ్రాఫర్స్ పనిచేశారు. వీరు నలుగు తీసిన షాట్స్ బాగున్నాయి. ఏ షాట్ ని ఎవరు షూట్ చేశారో చెప్పడం మాత్రం కొద్దిగా కష్టమే. వీరి పనితీరు చాలా బాగుంది. విజువల్ ఎఫెక్స్ మాత్రం చాలా ఎఫెక్ట్ గా, రిచ్ గా ఉన్నాయి. ఎడిటింగ్ కూడా బాగానే ఉన్నా, ఫస్టాఫ్ లో కొద్దిగా బాగా చేయాల్సి ఉండేది. ఈ సినిమాకి సంగీతం అందించిన తమన్ పాటల్లో నాలుగు పాటలే బాగున్నాయి. ఈయన అందించిన బ్యాక్ గ్రౌండ్ మ్యూజిక్ ఫర్వాలేదనిపిస్తుంది. కానీ ఇంకా బాగా చేయాల్సి ఉండేది. ఈ సినిమాకి పాటల కొరియోగ్రాఫర్ ఎన్టీఆర్ తో వేయించిన స్టెప్స్ సెకండాఫ్ లో అబ్బా అనిపించే విధంగా ఉన్నాయి. ఈ సినిమాకి గోపి మోహన్, కోన వెంకట్ లు స్క్రిప్టు , డైలాగులు బాగున్నాయి. సింగిల్ లైన్ పంచ్ డైలాగులకు ఇందులో కొదవలేని చెప్పవచ్చు.

విశ్లేషణ :

శీను వైట్ల సినిమా అనగానే మనకు గుర్తొచ్చేది కామెడి. ఈ సినిమా స్టోరీ లైన్ కొత్తది కాకపోయినా శీను వైట్ల తన మార్క్ కామెడితో సినిమాని నడిపించాడు. ఈ సినిమాకు కథా బలం కన్నా, కామెడీ బలమే ఎక్కువ అని చెప్పవచ్చు. ప్రతి నటుడ్ని దర్శకుడు పూర్తి స్థాయిలో వాడుకున్నాడు. ఫస్టాఫ్ లో కామెడీ, ఫైట్లతో కాస్తంత నెమ్మదిగా కథను నడిపించిన దర్శకుడు, సెకండాఫ్ వచ్చే సరికి సినిమాను చాలా వేగంగా నడిపించాడు. ఇందులో ఎన్టీఆర్ ని చూపించిన తీరు అద్బుతం. ప్రతి సీన్ ని, ప్రతి పాటను ఏ మాత్రం కాంప్రమైజ్ కాకుండా తెరకెక్కించాడు. ఈ సినిమాకు ఉన్న చిన్న మైనస్ పాయింట్ ఏంటంటే... శ్రీను వైట్ల పాత సినిమాలతో కొన్ని పోలికలు ఉండడం. సినిమా చూస్తుంత సేపు అతని పాత సినిమాలోని సీన్లు మనకు గుర్తుకు వస్తాయి. బ్రహ్మానందం, ఎం.ఎస్ నారాయణల కామెడీని బాగా తీశాడు. ఎన్.టి.ఆర్, కాజల్, బ్రహ్మానందం, ఎం.ఎస్ నారాయణల బెస్ట్ పెర్ఫార్మన్స్ , వారి కాంబినేషన్లో వచ్చే హై ఎంటర్టైనింగ్ సెకండాఫ్ ఈ సినిమాకి మేజర్ హైలైట్స్. ఈ సినిమా భారీ ఆశలు పెట్టుకొని పోయిన అభిమానులకు రొటీన్ సినిమా అనిపించినా, రెండున్నర గంటలు కడుపుబ్బ నవ్వుకొని రీ ఫ్రెష్ అయి రావడం మాత్రం ఖాయం.

చివరగా :

భారీ అంచనాల్ని రీచ్ కాకున్నా, అభిమానుల్ని నిరాశపరచని ‘బాద్ షా ’

Jabardasth Telugu Movie Review

సినిమా       : జబర్ దస్త్

నటీనటులు  : సిద్దార్థ్‌, సమంత, నిత్య మీనన్‌, శ్రీహరి, షాయాజీ షిండే, దర్మవరపు సుబ్రహ్మణ్యం, తాగుబోతు రమేష్ తదితరులు

దర్శకత్వం    : బి.వి.నందినీ రెడ్డి

నిర్మాతలు    : బెల్లంకొండ సురేష్‌, బెల్లంకొండ గణేష్‌బాబు

సంగీతం       : ఎస్.ఎస్. థమన్

సంస్థ          : శ్రీ సాయిగణేష్‌ ప్రొడక్షన్స్‌

విడుదల      : 22 పిభ్రవరి, 2013

 ‘అలా మొదలైంది ’ సినిమాతో దర్శకురాలిగా వెండితెరకు పరిచయం అయి, మొదటి సినిమాను తక్కువ బడ్బెట్ తో తీసి ఘన విజయం సాధించి అందరి ప్రశంసలు పొందిన లేడీ డైరెక్టర్ నందినీ రెడ్డి తన రెండవ సినిమాని నేడు ప్రేక్షకుల ముందు ఉంచారు. గత కొన్ని రోజుల నుండి టాలీవుడ్ దర్శకులకు రెండవ సినిమా అంతగా అచ్చిరాడం లేదు. ఇలాంటి గ్రాఫ్ టాలీవుడ్ లో చాలా మంది దర్శకులకు ఉంది. మరి ఆ దర్శకుల లిస్టులో నందినీ రెడ్డి చేరిందా లేక సేఫ్ జోన్ లోనే ఉందా అనేది జబర్ దస్త్ రివ్యూ చూసి నిర్ధారణకు వద్దాం.

కథ :

దొరికిన చోటల్లా అప్పులు చేయడం... ఆ తర్వాత ఏదో ఒక వ్యాపారం పెట్టడం... అందులో నష్టం రాగానే అక్కడ నుంచి ఉడాయించడం... అప్పుల వాళ్ళను తప్పించుకుని తిరగడం... ఇదీ బైర్రాజు (సిద్ధార్థ్‌) రోజువారీ జీవితం. ఒకసారి శ్రేయ (సమంతా) , బైర్రాజు అనుకోకుండా ఓ పెళ్లి వేడుకలో కలుసుకుంటారు. అక్కడ శ్రేయ బిజెనెస్ ఐడియాని గుట్టుగా వినేసి ఆమెకు రావాల్సిన జాబ్ కూడా కొట్టేస్తాడు. యాజమానితో గొడవ పడి అందులోనుండి బయటకు వచ్చి శ్రేయతో ఓ అవగాహనకొచ్చి ఒక ఈమెంట్ మేనేజ్ మెంట్ ని ప్రారంభించి, మంచి పొజిషన్ కి వచ్చిన తరువాత ఇద్దరి మద్య గొడవలు వచ్చి విడిపోతారు. మరి వీరిద్దరు చివరకు మళ్ళీ కలుస్తారా ? మధ్యలో నిత్యామీనన్ ప్రవేశిస్తుంది. వారిద్దరి స్టోరీ, నిత్యా స్టోరీ ఏంటనేది తెర పై చూడాల్సిందే.

కళాకారుల పనితీరు :

ఈ సినిమాలో సిద్దార్థ మాస్ క్యారెక్టర్ చేశాడు. కానీ క్యారెక్టర్ అతనికి ఏమాత్రం సూట్ కాలేదు. ముఖ్యంగా ఇందులో వేసుకున్న పూలచొక్కా కూడా. సిద్దార్థ లుక్ కి, ఫీచర్ కి సరిపోయే క్యారెక్టర్ కాదని ఖచ్చితంగా చెప్పవచ్చు. ఏదో దర్శకురాలు చెప్పినట్లు చేసుకుంటూ పోయాడంతే. ఇక సమంతా విషయానికి వస్తే ఈమె తమ పాత్రకు న్యాయం చేయడానికి ప్రయత్రించింది కానీ, తెర పై ఏదో మిస్సయ్యినట్లు కనిపిస్తుంది. ఇక ఇందులో సెకండ్ హీరోయిన్ గా నటించిన నిత్యామీనన్ కి హీరో హీరోయిన్ ల కంటే మంచి పాత్ర దొరికింది. ఈమెకు ఇచ్చిన క్యారెక్టర్ ని బాగా పండించింది. నిత్యకు మరోసారి మార్కులు పడ్డట్లే... ఈ సినిమాలో గెస్ట్ రోలు పోషించిన శ్రీహరి దావూద్ భాయ్ గా కాసేపు నవ్వించే ప్రయత్నం చెసినా... ఆయన చేసిన అతిథి పాత్రల్లో ఇది ఓ వృధా పాత్ర అని చెప్పొచ్చు. ఇక ముఖ్యంగా చెప్పుకోవాల్సింది తాగుబోతు రమేష్. ఈయనకు కమేడియన్ గా బ్రేక్ ఇచ్చిన నందినీ రెడ్డి ఈ సినిమాలో మాత్రం సరైన పాత్ర ఇవ్వలేదు. ఇక మిగతా నటులు అంతంత మాత్రంగానే రాణించారు.

సాంకేతిక విభాగం :

ఈ సినిమాకు థమన్ అందించిన సంగీతం ఒకటి రెండు పాటలు తప్పితే మిగితావి పెద్దగా వినపొంపుగా లేదు. ఒకవేళ థమన్ బాగా చేద్దామన్న సినిమాలో స్టఫ్ లేకపోయే సరికి సంగీతం సోసోగా అనిపిస్తుంది. ఈ సినిమాకి ఫ్లస్ పాయింట్ ఏంటంటే సినిమాటో గ్రఫీ. ఇక రచయిత వెలిగొండ శ్రీనివాస్ రాసిన సంభాషనలు అంతగా ఆకట్టుకోలేక పోయాయి. సినిమా మొత్తం నవ్వించడానికి ఎంత ప్రయత్నించినా ఆ సంభాషణలు పేలలేకపోయాయి. నిర్మాణ విలువలు మాత్రం బాగున్నాయి, ఇక నిర్మాణ చిత్రానికి తగ్గట్లు ఖర్చుపెట్టాడు. ఇక దర్శకురాలు నందిని రెడ్డి ఈ సినిమాకి తన పూర్తి స్థాయి ఎఫర్ట్ పెట్టలేదని చెప్పవచ్చు. మొదటి సినిమాలో తనను తాను నమ్ముకొని మంచి కథతో సినిమా చేసింది. కానీ రెండో సినిమా వరకు వచ్చే వరకు కాపీ కథ పై ఆరారపడింది. ‘బ్యాండ్ బాజా భరత్ ’ సినిమాలోని కొంత స్టోరీని తీసుకొని, దానిని మన నేటివిటీకి అనుగుణంగా మార్చి తెర పై తన పేరును వేసుకుంది., పూర్తి స్థాయిలో కామిడీని నమ్ముకొని సినిమా చేసింది కానీ ఈ ప్లాన్ బెడిసికొట్టింది. కాపీ కొట్టడంలో కూడా కాస్తంత కళా పోషణ ఉండాలి. కానీ నందినీ రెడ్డికి అది రాలేదు.

విశ్లేషణ :

వినోదాత్మక కథలను ఎంచుకోవడం అటు దర్శకులకు, ఇటు నిర్మాతలకు, మరోపక్క నాయకానాయికలకు... ఇలా అందరికీ సేఫే. సినిమా బాగుందనే టాక్ వస్తే... వాళ్ళు వీళ్ళు అనే తేడా లేకుండా అందరూ చూస్తారు. అయితే ఎంచుకున్న ఆ కథలో కాసింత కొత్తదనాన్ని చూపించాల్సిన బాధ్యతను మాత్రం మరవకూడదు. ప్రేక్షకుడిని సీట్లో ఖాళీగా ఉంచకుండా ప్రతి సన్నివేశంలోనూ నవ్విస్తూ ఉండాలి. అప్పుడే ఫలితం దక్కుతుంది. నందిని రెడ్డి తన తొలి చిత్రంలో అదే చేసింది. కానీ రెండో సినిమాకి వచ్చే సరికి కొంచెం నిర్లక్షం వహించినట్టు అనిపిస్తుంది. కథా నేపథ్యం కొత్తదే అయినా సన్నివేశాలు మాత్రం చాలా పాతవి. కొన్ని సన్నివేశాల్లో బలవంతంగా నవ్వించే ప్రయత్నానికి పూనుకున్నారు. ఇక ఈ సినిమాలో నందిని రెడ్డి సక్సెయి అయినది ఏదంటే నిత్యా మీనన్ క్యారెక్టర్ అని చెప్పవచ్చు. మొత్తంగా తనలో ఉన్న కొత్తదనం తొలి సినిమాతోనే అయిపోయిందేమో అనే సందేహం ప్రేక్షకుల్లో కలిగేలా చేసింది నందిని రెడ్డి.

చివరగా :

‘జబర్ దస్త్ ’ గా కూడా  కాపీ కొట్ట రాలేదు.

Mirchi Movie Review

 

సినిమా   : మిర్చి
బ్యానర్    : యువీ క్రియేషన్స్
దర్శకుడు : కొరటాల శివ
నిర్మాత   : వి. వంశి కృష్ణ రెడ్డి, ప్రమోద్ ఉప్పలపాటి
సంగీతం  : దేవి శ్రీ ప్రసాద్
నటీనటులు :ప్రభాస్, అనుష్క, రిచా గంగోపాద్యాయ్మాస్

హీరోగా పేరుతెచ్చకున్న ప్రభాస్ తరువాత ట్రాక్ మార్చి మిస్టర్ ఫర్ పెక్టు సినిమాలో క్లాస్ గా కనిపించి క్లాస్ మాస్ హీరోగా పేరొందాడు. ఆ సినిమా తరువాత నుండి ప్రభాస్ కి సరైన హిట్ లేదు. గత చిత్రం రెబల్ నిరాశపరిచినా డీలా పడకుండా మిర్చి తో ఘాటెక్కించడానికి  రెడీ అయిపోయి, స్ర్కిప్టు రైటర్ గా ఉన్న కొరటాల శికకు దర్శకత్వం ఛాన్స్ ఇచ్చాడు. కొత్త దర్శకుడు అని చూడకుండా అతని పై పూర్తి నమ్మకం పెట్టి, తన పని పూర్తి ఫర్ ఫెక్టుగా చేసుకొని పోయిన ప్రభాస్ ‘ మిర్చి ’సినీ ప్రేక్షకులకు ఘాటెక్కించిందో లేదో చూద్దాం.

కథ :
జై (ప్రభాస్‌)... ఇటలీలో ఆర్కిటెక్టర్‌గా ఉద్యోగం చేస్తుంటాడు. వీలైతే ప్రేమిద్దాం.. పోయేదేముంది అనే మనస్తత్వం కలవాడు. అక్కడే పరిచయం అయిన మానస (రిచా గంగోపాధ్యాయ) ప్రేమిస్తాడు. మానస కూడా జైని ప్రేమిస్తుంది.  అయితే మానన తమ ప్రేమకు అడ్డుగా నిలిచే తన ఫ్యాక్షన్ కుటుంబం గురించి జై కు వివరిస్తుంది. దాంతో... జై వెంటనే తట్టాబుట్టా సర్దుకుని... ఇండియా వచ్చేసి, ఆమె ఇంటిలో వాలిపోయి... ప్యాక్షన్ పగలతో రగిలిపోతున్న వారి కుటుంబాన్ని చక్కబెట్టే పనిలో పడతాడు. ఆ క్రమంలో అతని గురించి ఓ నిజం ప్రేక్షకులకు తెలుస్తుంది. ఇంతకీ జై ఆ ఇంటికి వచ్చింది.. తన ప్రేమ కోసం కాదు.. మరొక పనిమీద అని.. ఇంతకీ ఆ పని ఏమిటి... ఇంతకీ జై ఎవరు...మరో హీరోయిన్ వెన్నెల (అనుష్క) లతో జైకి ఉన్న బంధమేమిటి ? వాళ్లిద్దరిలో ఎవరిని దక్కించుకుంటాడు ? అనే  విషయాల్ని తెరపైనే చూడాలి.

కళాకారుల పనితీరు :
ఇంత వరకు మాస్ సినిమాలు చేసి మధ్యలో క్లాస్ మళ్లీ మాస్ సినిమాలు చేసిన ప్రభాస్ ఈ సినిమాలో కాస్త డిఫరెంటు క్యారెక్టర్ ని పోషించాడు. ప్రభాస్ రెండు డిఫరెంట్ షేడ్స్ ఉన్న పాత్రలు చేసాడు. సినిమా అంతా న్యూ లుక్ తో బావున్నాడు. ఈ చిత్రం ద్వితియార్థంలో ప్రభాస్ చాలా హ్యాండ్ సమ్ గా ఉన్నాడు. యాక్షన్ సీన్స్ లో అదుర్స్ అనిపించాడు. సెకండాఫ్ ని మొత్తం ప్రభాస్ పే తన భుజస్కందాల పై వేసుకొని నడిపించాడు. ఇక చాలా రోజుల తరువా ప్రభాస్ ప్రక్కన జోడి కట్టిన అనుష్క ఫేసులో చాలా తేడా వచ్చింది. కాస్తంత ముదురు ముఖం పడినట్లు కనిపించింది. రిచా గంగోపాధ్యాయ మానసగా పరిమితి ఉన్న పాత్ర చేసింది. ఈ సినిమాలో సెకండ్ హీరోయిన్ గా నటించిన ఈమెకు అనుష్కంత లెన్తీ పాత్ర దొరికింది. ఉన్నంతలో ఫర్వాలేదనిపించినా, నటనలో ఇంకా పరిణితి చెందాలి. ప్రభాస్ తండ్రిగా సత్యరాజ్ బాగానే చేసినా, ఇతని స్థానంలో వేరే వారు ఉంటే ఇంకా బాగుండేదేమో, నదియా చిన్న పాత్రే అయినా బాగానే చేసింది. ఇప్పటికీ ఆమెలో ఏ మాత్రం అందం తగ్గలేదు. వీర ప్రతాప్ పాత్రలో బ్రహ్మానందం ఒకటి రెండు సన్నివేశాల్లో మాత్రం నవ్వించాడు. సంపత్, నాగినీడు, ఆదిత్య, సుబ్బరాజు, అజయ్, సుప్రీత్ అందరూ పాత్ర పరిధి మేరకు చేసారు .

సాంకేతిక విభాగం :
ఈ సినిమా ముఖ్యంగా బలం మ్యూజిక్. దేవీ శ్రీ ప్రసాద్ స్వరపరిచిన పాటలు జనాల్లో మంచి క్రేజ్ ని సంపాదించాయి. కొన్ని సాంగులు అయితే ప్రభాస్ అన్ని సినిమాల్లో కన్నా బెస్ట్ గా ఉన్నాయి. ముఖ్యంగా సెకండాఫ్ లో ప్రభాస్ యాక్షన్ సీన్స్ కి దేవీ అందించిన బ్యాగ్రౌండ్ స్కోరు మరింత బాగుంది. ఇక సినిమాటోగ్రఫీ విషయానికి వస్తే.... మది చాలా బాగా చిత్రీకరించాడు. ప్రభాస్ అంత చక్కగా కనిపించడానికి కారణం కూడా ఇదే కారణం. ఇక నిర్మాతలు క్వాలిటీ విషయంలో ఏ మాత్రం రాజీ పడలేదు. ఇక రైటర్ నుండి దర్శకుడి అవతారం ఎత్తిన కొరటార శివ తన తొలి ప్రయత్నంలో పూర్తి విఫలం కాకుండా ఫర్వాలేదనిపించాడు. సినిమా మొదటి భాగంలో బోర్ కొట్టించినా సెకండాఫ్ లో మాత్రం పరుగులు పెట్టించాడు. డైరెక్టర్ గా తొలి ప్రయత్నంలో సక్సెస్ అయిన కొరటాల శివ, కొన్ని లోటు పాట్లను తెలుసుకుంటే భవిష్యత్తులో మంచి దర్శకుడిగా పేరు పొందే అవకాశాలు పుష్కలంగా ఉన్నాయి.

విశ్లేషణ :
రెబల్ తరువాత వచ్చిన ఈ సినిమా మొత్తంగా క్లాస్ మాస్ ప్రేక్షకులను ఆకట్టుకునే విధంగా ఉన్నదని చెప్పవచ్చు. చెప్పాలంటే ప్రభాస్ తన పూర్తి స్థాయి నటనను ప్రదర్శించి ఈ సినిమాని నిలబెట్టాడు. రొటీన్ స్టోరీలను ఎన్నుకొని, ఎలా ప్రారంభించిలో తెలియకుండా కొరటాల శివ మొదట్లో కఫ్యూజన్ కి గురయ్యాడు. మొదటి భాగంలో వచ్చే సీన్స్ మరీ బోర్ కొట్టించే విధంగా ఉండటంతో ప్రేక్షకులను సినిమా సెకండాఫ్ కూడా ఇలానే ఉంటుందనే ఫీలింగ్ రప్పించాడు. కానీ సెకండాఫ్ లో సినిమా రూపురేఖలనే మార్చి సినిమాకి ప్రాణం పోశాడు. స్టోరీలో బలం లేకపోవడంతో, మళ్ళీ మొదటి సారి మెగా ఫోన్ పట్టడంతో చాలా ప్రెషర్ కి గురయినా మొత్తానికి సినిమాని గాడిలో పెట్టాడు. ఇక ప్రభాస్ కాబట్టి ఈ సినిమా కమర్షియల్ గా దూసుకుపోవచ్చు. దానికి తోడు ఇప్పట్లో ఏ సినిమాలు లేవు కాబట్టి ప్రొడ్యూసర్లు కూడా సేఫ్ జోన్ లో ఉండవచ్చు.

చివరగా :
గుంటూరు మిర్చి అంత ఘాటు లేకపోయినా టేస్టీగానే ఉంది.

 

Kadali Movie Review

సినిమా : కడలి

విడుదల తేదీ : 1 ఫిబ్రవరి 2013

దర్శకుడు : మణిరత్నం

నిర్మాత : మణిరత్నం, ఎ. మనోహర్ ప్రసాద్

సంగీతం : ఎ. ఆర్. రెహమాన్

నటీనటులు : గౌతమ్, తులసి, అర్జున్, అరవింద్ స్వామి

ప్రేమ కథా చిత్రాల దర్శకుడిగా పేరు తెచ్చుకున్న మణిరత్నం చాలా రోజుల గ్యాప్ తరువాత కొత్త నటీనటులను పెట్టి మరో ప్రేమకథా చిత్రాన్ని తెరకెక్కించాడు. రావన్ పరాజయం తరువాత ఇంత కాలం గ్యాప్ తీసుకున్న ఆయన తన సొంత నిర్మాణంలో, చాలా మంది ప్రముఖులను పెట్టి కడలి చిత్రాన్ని తెరకెక్కించాడు. మరి ఈ చిత్రం ప్రేక్షకులను సముద్రం అలలలాగా అలరించిందో లేదో చూద్దాం.

కథ :

సామ్ ఫెర్నాండెజ్ (అరవింద స్వామి) సిన్సియర్‌గా అంకిత భావంతో ఉండే వ్యక్తి. బెర్గ్‌మెన్స్(అర్జున్) ఫన్నీగా ప్రేమ తత్వంతో ఉండే వ్యక్తి. వీరిద్దరు చర్చి‌ఫాదర్‌గా శిక్షణ కోసం క్రిస్టియన్ సెమినార్‌కు వెలుతారు. అయితే తర్వాత ఇద్దరు భిన్నమైన మార్గాలను ఎంచుకుంటారు. సామ్ సముద్రం పక్కన ఉండే ఓ గ్రామానికి వచ్చి చర్చి ఫాదర్‍‌గా జీవితం మొదలు పెడతాడు. అక్కడే అతడికి తల్లిని కోల్పోయి అనాథ బాలుడైన థామస్‌(గౌతం)తో పరిచయం ఏర్పడుతుంది. ఇద్దరి మధ్య సాన్నిహిత్యం పెరుగుతుంది. పెరిగి పెద్దవాడైన థామస్ బెర్గ్‌మెన్స్ కూతురు బిట్రిస్(తులసి)తో ప్రేమలో పడతాడు. ఆథామస్, బీట్రిస్ మధ్య ప్రేమ ఏమైంది? ఈ ప్రశ్నలకి సమాధానం తెలియాలంటే తెర పై చూడాల్సిందే.

కళాకారుల పని తీరు :

ఈ చిత్రంలో ముఖ్య పాత్రలు పోషించిన అరవింద్ స్వామి, అర్జున్ లు ఈ సినిమాకి హైలెట్. సినిమా మొత్తంలో వీరిద్దరి నివిడి ఎక్కువగా ఉంటుంది. చాలా సంవత్సరాల తరువాత అరవింద్ స్వామి తెర పై కనిపించాడు. అప్పుడు ఎలా చేశాడో, ఇప్పుడు కూడా అంతే అద్బుతంగా చేశాడు. ఇక అర్జున్ కూడా తన పాత్రకి ప్రాణం పోశాడని చెప్పవచ్చు. ఇక అర్జున్ సొంతంగా డబ్బింగ్ చెప్పుకోవడం హైలెట్ . ఇక వీరిద్దరి సంగతి ప్రక్కన పెడితే కొత్తగా వెండితెరకు తెరంగ్రేటం చేసిన కార్తీక్ తన పాత్రకు న్యాయం చేశాడు. ఇక రాధ కూతురు తులసి.... ఈమె పాత్ర తక్కువ సేపు ఉన్నా ఉన్నంతలో ఫర్వాలేదనిపించింది. నటనలో ఇంకా పరిపూర్ణత సాధించాల్సి ఉంది. లక్ష్మి మంచు చాలా చిన్న పాత్ర చేసి ఓకే అనిపించుకుంది .

సాంకేతిక వర్గం :

ఇక మణిరత్నం సినిమా అంటే మనకు ముందు గుర్తుకు ఏఆర్ రహమాన్ సంగీతం. ఈయనతో పన్నెండు సినిమాలకు పని చేయించుకున్న మణిరత్నం ఇందులో కూడా ఇతనితోనే సంగీతం చేయించాడు. ఈ సినిమాకి సంగీతం ఓ బలంగా చెప్పవచ్చు. కానీ ఈ సినిమాలోని కొన్ని పాటలు ప్రేక్షకులకు చేరాలంటే మరి కొంత సమయం పట్టవచ్చు. ఇక ప్రముఖ సినిమాటోగ్రఫర్ అయిన రాజీవ్ మీనన్ ఫోటోగ్రఫి చాలా అద్బుతంగా ఉంది. ముఖ్యంగా సముద్ర తీరాన్ని తీయన చిత్రీకరించిన తీరు మనల్ని తన్మయత్వానికి గురిచేస్తుంది. సంభాషణలు అంత పెద్దగా ఆకట్టుకోలేక పోయాయి.

విశ్లేషణ :

మణిరత్నం గతంలోని ప్రేమ కథా చిత్రాలను ఈ చిత్రంలో సరిపోల్చ కూడదు. ఎందుకంటే అన్ని ప్రేమ కథా చిత్రాలే అయినా దేని ప్రత్యేకత దానిదే. ఆయన గత సినిమాలు స్లోగా ఉంటాయి. కానీ కడలి కధని మరి కొద్దిగా స్లోగా నడిపించాడు. ఇదే ప్రేక్షకుల సహనానికి పరీక్ష పెట్టవచ్చు. ఇక కొత్తగా తెరంగ్రేటం చేసిన గౌతమ్, తులసిల ప్రేమ కథను చాలా తక్కువగా పెట్టాడు. దీంతో యువతరాన్ని కొద్దిగా ఆకట్టుకోపోవచ్చు. తులసి కూడా హైప్ ఇచ్చినంత లేకపోవడం పెద్ద మైనస్ గా చెప్పవచ్చు. మణిరత్నం సినిమాల్లో ఉండే మేజిక్ కొద్దిగా మిస్ అయినట్లు అనిపిస్తుంది. అర్జున్, అరవింద్ స్వమి మధ్య వివాదాన్నే ఎక్కువ చూపించాడు.  ఫస్ట్ హాఫ్ కొంత ఆసక్తికరంగా సాగినప్పటికీ సెకండ్ హాఫ్ బోర్ కొట్టించింది. రెగ్యులర్ సినిమా లవర్స్ కోరుకునే అంశాలు ఏమీ ఇందులో లేవు. మణిరత్నం సినిమాలు ఇష్టపడే వారు కడలి కూడా అంతగా ఊహించి వెళ్ళకుండా, ఓ కొత్త ప్రేమ కథను చూసేందుకు వెళితే బాగుందనిపిస్తుంది.

చివరగా :

సముద్రంలోని అలల అంత ఫాస్టుగా ‘కడలి ’ఈ సినిమా లేదు.

Ongole Gitta Review

సినిమా : ఒంగోలు గిత్త
విడుదల తేదీ : 1 ఫిబ్రవరి 2013 (శుక్రవారం)
దర్శకుడు : భాస్కర్ (బొమ్మరిల్లు)
నిర్మాత : బి.వి.ఎస్.ఎన్ ప్రసాద్
సంగీతం : జి.వి. ప్రకాష్ కుమార్, మణిశర్మ
నటీనటులు : రామ్, కృతి కర్భంద, ప్రకాష్ రాజ్, ఇతర తారాగణం.
బొమ్మరిల్లు, పరుగు సినిమాలతో మంచి డైరెక్టర్ గా పేరు తెచ్చుకున్న దర్శకుడు తరువాత పూర్తి స్థాయి ప్రేమ కథా చిత్రం ఎవరికి అర్థం కాకుండా తీసి పలు విమర్శలు ఎదుర్కొన్న దర్శకుడు ఈ సారి తన పంథాని మార్చి మాస్ సినిమాని ఎనర్జిటిక్ హీరో రామ్ ని పెట్టి తీశాడు. మరి ఇతను తీసిన ‘ఒంగోలు గిత్త ‘ సినిమాలో ఒంగోలు గిత్తకు ఉన్న పవర్ ఉందో లేదో ఓ సారి చూద్దాం.

కథ :
చిన్న వయసులో లోనే ఇంట్లో నుండి పారిపోయి, గుంటూరు మిర్చి యార్డుకు  చేరుకుంటాడు వైట్ (హీరో రామ్). అక్కడ చిన్నగా వ్యాపారం మొదలు పెట్టి,  మిర్చి యార్డ్ లో నాలుగు షాపులకు ఓనర్ అవుతాడు. మిర్చి యార్డుకు చైర్మెన్ గా ఆదికేశవులు (ప్రకాష్ రాజ్) ఉంటాడు. అతను చాలా మంచి వాడు. మిర్చి యార్డ్ అడుగు పెట్టినప్పటి నుండి  చైర్మెన్ పదవి పై కన్నేస్తాడు. కానీ స్థానిక ఎమ్మెల్యే (ఆహుతి ప్రసాద్ ) మిర్చియార్డును అక్కడి నుండి తరలించడానికి ప్రయత్నిస్తాడు. ఈ కథంతా నడుస్తుంటుంది. చైర్మెన్ తో వైట్ కి ఉన్న సంబంధం ఏమిటి ? హీరో చైర్మెన్ పదవి దక్కించుకుంటాడా ? అనేది తెరపై చూడాలి.

కళాకారుల పనితీరు :
ఈ చిత్రంతో కొత్త బిరుదు (ఎనర్జిటిక్ స్టార్ ) గా పేరు తెచ్చుకున్న హీరో రామ్ తన పాత్రల వరకు అన్నీ ఎనర్జిటిక్ గానే చేసుకుంటూ పోయాడు. డాన్స్ లు కూడా బాగానే చేసుకుంటూ పోయాడు. కానీ కథలు సెలక్ట్ చేసుకోవడంలో మాత్రం బోల్తా పడుతున్నాడు. ఇక ఇతనికి జోడిగా నటించిన  కృతి కర్బంధ అమాయకురాలిగా, హీరో టార్చర్ బరించే పాత్రలో ఫర్వాలేదనిపించింది. అలాగే పాటల్లో గ్లామర్ గా, చూడటానికి చాలా అందంగా ఉంది. ఇక మార్కెట్ ఛైర్మెన్ గా ప్రకాష్ రాజ్ కొత్తగా, నీట్ గా కనిపించాడు. కిషోర్ దాస్ కామెడీ బాగుంది.  రామ్, అలీ, హీరోయిన్ ఫ్యామిలీ మధ్య జరిగే కామెడీ ఫర్వాలేదనిపిస్తాయి. ఇక మిగిలిన వారు వారి వారి పాత్రలకు న్యాయం చేయడానికి ప్రయత్నించారు.

సాంకేతిక విభాగం :
తనకు కిక్ కావాలని రూటు మార్చిన భాస్కర్ మాస్ సినిమా తీయాలనుకొని డిసైడ్ అయ్యి రాసుకున్న కథలో దమ్ములేదు. దానికి తోడు ఈ చిత్రానికి జి.వి. ప్రకాష్ అందించిన స్వరాలు ఏ మాత్రం వినసొంపుగా అనిపించవు. మ్యూజిక్ విషయంలో ఏ మాత్రం రాజీ పడని భాస్కర్ మరి ఇలాంటి పాటలు ఎందుకు చేయించుకున్నాడో అర్థం కావడం లేదు. ఈ చిత్రానికి సురేంద్ర క్రిష్ణ అందించిన సంభాషణలు కథలో బలం లేకపోవడంతో అవి కూడా ఆకట్టుకోలేక పోయాయి. ఎడిటింగ్, సినిమాటోగ్రఫీలు చెప్పుకోదగ్గ రీతిలో ఉన్నాయి.

విశ్లేషణ :
మాస్ ని నమ్ముకొని భాస్కర్ రాసుకున్న కథలో దమ్ము లేక పోవడంతో ఈ సినిమా ప్రేక్షకులకు రొటీన్ కథలాగే ఉన్నా, ఇందులో అతను కొత్తగా చూపించింది, చూపించడానికి ఏమీ లేదు. ఓ కథని తీసుకొని దానికి మిర్చి యార్డ్ అనే కొత్త నేపధ్యాన్ని చేర్చి సినిమా తీసేశాడు. భాస్కర్ కథానుసారంగానే ప్రకాష్ రాజ్ న్యూడ్ సీన్స్ పెట్టామని చెప్పుకొచ్చాడు. కానీ కథానుసారం అయితే ఆ సీన్స్ అవసరమే లేదు, ఈ సినిమాని తెలుగు ప్రేక్షకుల అభిరుచికి తగ్గట్లుగా తీశానడం కంటే తమిళంలో ఎలా అతి చేసి సన్నివేశాలను చూపిస్తారో అలా చూపించాడనడంలో ఎటువంటి సందేహం లేదు. ఇక ముఖ్యంగా తను రాసుకున్న కథలో మిర్చి యార్డుకి, హీరో రివేంజ్ కి ముట్టే ప్రయత్నం అసలు ఫలించలేదు. ఒక్కోసారి ఈ సినిమా చూస్తుంత సేపు దర్వకుడు రాసుకున్న కథకు, తీసిన సీన్లకు సంబంధం లేకుండా తీశాడా అని, సుత్తి ఎక్కువ పెట్టి, సబ్జెక్టు లేకుండా సినిమా తీస్తే ఎలా ఉంటుందో దీని ద్వారా కొంత అర్థం అవుతుంది. సినిమాలో విలనిజంకి చాలా ప్రాముఖ్యత ఉన్నప్పటికీ దాన్ని ఎలివేట్ చేయడంలో డైరెక్టర్ భాస్కర్ పూర్తిగా విఫలమయ్యాడు. అలాగే అభిమన్యు సింగ్, అజయ్, ప్రభు లాంటి పెద్ద నటులు ఉన్నప్పటికీ వారిని సరిగ్గా వాడుకోలేకపోవడమే కాకుండా అభిమన్యు సింగ్ ది విలన్ పాత్ర అని చెప్పుకోవడం కంటే తనదో జోకర్ పాత్ర అని చెప్పుకోవచ్చు. ఇక సినిమా మొదటి అరగంట బాగానే అనిపించినా... తరువాత ట్రాక్ తప్పి ఎక్కడికో వెళ్లి పోతుంది. దాంతో ఇంటర్వల్ ఎప్పుడు వస్తుందా ? వెళ్ళి ఓ దమ్ము కొట్టి వెళ్లి రిలాక్స్ అవుదాం అనుకుంటాడు సదరు ప్రేక్షకుడు. . ఇక సెకండాఫ్ విషయానికొస్తే మధ్యలో వచ్చే కొన్ని కామెడీ సీన్స్ తప్పితే మిగతా ఆకట్టుకునే సీన్స్ ఏమీ లేవు. సెకండాఫ్, క్లైమాక్స్ అంతా ముందుగానే ఆడియన్స్ కి తెలిసిపోతుంది.

చివరగా :
ఒంగోలు గిత్త పస లేని ‘గిత్త ’